Urna no dokumentu sensitivu ba Eleisaun Xefe Suku Ossoala to ona iha fatin ho seguru no organizada hodi prepara prosesu eleisaun tuir prosedimentu ne’ebé estabelese.

Prosesu entrega no simu urna ne’e akompaña husi reprezentante husi Comissão Nacional de Eleições (CNE), STAE PSAAS, PSAA, membru Polísia, no mos akompaña husi MEAA atu asegura prosesu distribusaun no preparasaun eleisaun lao ho transparénsia no seguransa.

Iha fatin, urna no dokumentu sensitivu hirak ne’e simu oficialmente husi Xefe Suku Atual hamutuk ho membru Governu Suku sira, hodi garante preparasaun no organizasaun ba loron eleisaun.

Atividade ida-ne’e sai parte importante husi etapa preparasaun eleisaun atu asegura prosesu demokrátiku bele hala’o ho di’ak, organizada no respeita prinsípiu livre, segredu no transparente.

Komunidade mos hein katak prosesu eleisaun sei lao ho hakmatek no partisipasaun ativa husi eleitór sira atu hametin governasaun lokal no dezenvolvimentu komunidade.

Hamutuk hametin demokrásia no partisipasaun komunidade.