Fo hatene ba eleitór sira iha Munisípiu Baucau, katak STAE Munisípiu Baucau sei hala’o Atendimento Movel ba Resensiamentu no Atualizasaun Baze Dadus Sistema Biométriku (SIRE) iha:

📍 Postu Administrativu Vemasse
🏢 Edifísiu Administrasaun Postu Administrativu Vemasse
📅 01 Setembru 2025 – 05 Setembru 2025

Atividade ida-ne’e atu fasilita eleitór sira hodi atualiza dadus eleitoral no halo rejistu foun liu husi sistema biométriku.

1. Atualiza Dadus Eleitoral ba Sistema Biométriku

Ba eleitór ne’ebé hakarak atualiza dadus eleitoral atual ba sistema biométriku, presiza lori:

• Kartaun eleitoral atual;
• Sertidaun Nasimentu RDTL (original no kópia tahan ida); ka
• Bilhete Identidade (BI) RDTL válidu (original no kópia tahan ida); ka
• Passaporte RDTL válidu (original no kópia tahan ida).

2. Rejistu Foun ba Sidadaun Timor-oan (16 Tinan ba Leten)

Ba sidadaun Timor-oan ne’ebé atinji ona tinan 16 no hakarak rejistu foun, presiza lori:

• Deklarasaun Rezidénsia husi Xefe Suku;
• Sertidaun Nasimentu RDTL (original no kópia tahan ida); ka
• Bilhete Identidade (BI) RDTL válidu (original no kópia tahan ida); ka
• Passaporte RDTL válidu (original no kópia tahan ida).

3. Atualiza Dadus Ne’ebé Lalos (Naran, Data no Tinan Moris)

Ba sidadaun ne’ebé hakarak korrije dadus eleitoral:

• Sertidaun Nasimentu RDTL (original no kópia tahan ida); ka
• Bilhete Identidade (BI) RDTL válidu (original no kópia tahan ida); ka
• Passaporte RDTL válidu (original no kópia tahan ida);
• Lori mos kartaun eleitoral ne’ebé iha dadus lalos.

4. Muda Hela Fatin

Karik hakarak muda hela fatin, presiza lori:

• Deklarasaun Rezidénsia husi Xefe Suku ne’ebé atu muda ba;
• Sertidaun Nasimentu RDTL (original no kópia tahan ida); ka
• Bilhete Identidade (BI) RDTL válidu (original no kópia tahan ida); ka
• Passaporte RDTL válidu (original no kópia tahan ida).

5. Kartaun Eleitoral Lakon

Karik kartaun eleitoral lakon, presiza lori:

• Deklarasaun Lakon husi PNTL;
• Sertidaun Nasimentu RDTL (original no kópia tahan ida); ka
• Bilhete Identidade (BI) RDTL válidu (original no kópia tahan ida); ka
• Passaporte RDTL válidu (original no kópia tahan ida).

📢 Favor prepara dokumentu kompletu atu fasilita prosesu atendimento no evita atrazu.

STAE Munisípiu Baucau