Komisaun organizadora eleisaun hato’o rezultadu jeral Eleisaun Xefe Suku Ossoala – II Ronde, ne’ebé hala’o ho partisipasaun ativa husi komunidade iha ambiente ne’ebé hakmatek no demokrátiku.

Bazeia ba rezultadu kontajen final, kandidatu Mn. Francisco konsege hetan 515 votu, ekivalente ho 57.73% husi total votu válidu. Enkuantu kandidatu Mn. Filomeno hetan 360 votu, ka 40.35%.

Iha prosesu eleisaun ida-ne’e, total eleitór ne’ebé marka prezensa no uza direitu vota hamutuk 892 ema. Husi númeru ne’e, rejista mos 15 votu nulu (1.68%) no 2 votu branku (0.22%).

Rezultadu ida-ne’e hatudu partisipasaun komunidade ne’ebé importante iha prosesu demokrátiku no sai parte husi esforsu atu hametin governasaun lokal no reprezentasaun komunidade iha nivel suku.

Ho remata eleisaun ne’e, komunidade espera katak lideransa foun sei kontinua servisu hamutuk ho povu atu promove unidade, dezenvolvimentu no bem-estar ba komunidade Suku Ossoala.

Rezultadu Ofisiál

✅ Mn. Francisco — 515 votu (57.73%)
✅ Mn. Filomeno — 360 votu (40.35%)

📌 Total Eleitór Vota: 892
📌 Votu Nulu: 15 (1.68%)
📌 Votu Branku: 2 (0.22%)

Hamutuk hametin demokrásia no dezenvolve Suku Ossoala.